جموں صوبے میں ۵۳ اور وادی میں ۱۵ کورونا وائرس کے مثبت کیس درج

سرینگر///
حکومت نے کہا ہے کہ پچھلے چوبیس گھنٹوں کے دوران کورونا وائرس کے۶۸۸نئے معاملات سامنے آئے ہیںجن میں ۱۵کاکشمیراور۵۳ کا تعلق جموں صوبہ سے ہے۔
ایک سرکاری بیان میں کہا گیا ہے کہ اِس طرح مثبت معاملات کی کل تعداد۴لاکھ۵۴ہزار۹۳۳تک پہنچ گئی ہے‘جن میں سے۴۰۵(صوبہ جموں میں ۲۸۵؍اور کشمیر صوبے میں۱۲۰)سر گرم معاملات ہیں۔اَب تک۴لاکھ۴۹ہزار۷۷۲؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع کپواڑہ میں ایکاورضلع سرینگر میں۱۴ نئے معاملے درج کئے گئے ہیں۔کولگام ‘اسلام آباد‘ پلوامہ ،بڈگام ،بارہمولہ ، بانڈی پور ہ،گاندربل اورشوپیان اضلاع سے مثبت معاملات کی کوئی رِپورٹ نہیں ہے۔
اِسی طرح ضلع سانبہ میں ۴،ضلع کٹھوعہ میں۲،ضلع اودھمپورمیں ۳؍اورضلع جموںمیں۴۴نئے مثبت معاملے سامنے آئے ہیں۔کشتواڑ، ڈوڈہ ، راجوری ، پونچھ، رام بن اوررِیاسی اضلاع سے کسی مثبت معاملے کی کوئی رِپورٹ نہیں آئی ہے۔
بیان کے مطابق گزشتہ ۲۴ گھنٹوں کے دوران دونوں صوبوں میں کورونا وائر س سے کوئی تازہ موت درج نہیں ہو ئی ۔اب تک جموں وکشمیر میں کوروناوائرس سے مرنے والوں کی مجموعی تعداد۴۷۵۶تک پہنچ گئی ،جن میں سے ۲۴۲۵کا کشمیر اور۲۳۳۱کاتعلق جموں صوبہ سے ہے۔
اِسی دوران آج مزید۲۲؍اَفراد شفایاب ہوئے ہیںجن میں۱۴صوبہ کشمیر اور۸کا تعلق جموں صوبہ سے ہے۔