دہلی پولیس نے بین ریاستی منشیات اسمگلنگ گروہ کا پردہ فاش کیا، تین گرفتار

نئی دہلی، 2 ستمبر (یو این آئی) دہلی پولیس کے مشرقی ضلع یونٹ نے نشے کے خلاف صفر برداشت کی پالیسی کے تحت ایک بین ریاستی منشیات اسمگلنگ گروہ کا پردہ فاش کیا ہے ۔ اینٹی نارکوٹکس اسکواڈ نے 117.75 گرام نشہ آور اشیاء کے ساتھ ایک اسمگلر، ایک کیریئر اور ان کے بدایوں (اتر پردیش) میں موجود سورس کو گرفتار کیا۔
مشرقی دہلی کے ڈپٹی کمشنر ابھشیک دھنیہ نے بتایا کہ مشرقی ضلع پولیس کی ایک ٹیم نے یہ آپریشن خفیہ اطلاع کی بنیاد پر انجام دیا۔
28 اگست کو لکشمی نگر ریلوے پل، اکشر دھام میٹرو اسٹیشن کے قریب طلحہ اظہر عرف چنٹو(22) کو 94.53 گرام سمیک کے ساتھ پکڑا گیا۔ اس کے خلاف منڈاؤلی تھانے میں این ڈی پی ایس ایکٹ کے تحت مقدمہ درج کیا گیا۔
تفتیش کے دوران طلحہ نے انکشاف کیا کہ وہ سمیک بدایوں کے اعظم علی(23)سے لاتا تھا اور دہلی کے پردیپ کمار پال (33)کو سپلائی کرتا تھا۔
30 اگست کو پردیپ کو 23.22 گرام سمیک کے ساتھ گرفتار کیا گیا، جس کے بعد اعظم علی کو بدایوں سے گرفتار کیا گیا۔
تحقیقات سے معلوم ہوا کہ طلحہ اور پردیپ کی ملاقات دو سال پہلے ہوئی تھی۔ طلحہ نے پھلوں کی دکان میں نقصان اٹھانے کے بعد منشیات کی اسمگلنگ شروع کی تھی۔
پولیس اب اس گروہ سے جڑے دیگر افراد کی بھی شناخت اور تلاش کر رہی ہے