پونچھ میں ایل او سی پر در اندازی کی کوشش ناکام بنادی گئی:فوج

فوج کا کہنا ہے کہ جموں و کشمیر کے ضلع پونچھ کے بالاکوٹ سیکٹر میں لائن آف کنٹرول (ایل او سی) پر پیر کی علی الصبح دہشت گردوں کی ایک در اندازی کی کوشش کو ناکام بنا دیا گیا۔
فوج کی وائٹ نائٹ کور نے ’ایکس‘پر ایک پوسٹ کے ذریعے جانکاری فراہم کرتے ہوئے کہا کہ فوجی جوانوں نے پیر کی صبح قریب ساڑھے پانچ بجے بالاکوٹ علاقے میں ایل او سی کے نزدیک مشتبہ نقل و حمل دیکھی۔
کور نے کہا کہ الرٹ جوانوں نے در اندازی کی اس کوشش کو ناکام بنانے کیلئے فائر کھول دیا۔
فوج کا کہنا تھا کہ تمام دستیاب ذرائع کا استعمال کرتے ہوئے علاقے پر فول پروف تسلط کو یقینی بنانے کے لیے دستوں کو دوبارہ تعینات کیا گیا ہے اور ان کی دوبارہ ترتیب دی گئی ہے ۔
پوسٹ میں مزید کہا گیا کہ فوجی دستے اپنے اپنے علاقوں میں ہائی الرٹ رکھے ہوئے ہیں۔