ایشیا کپ کے وقت میں تبدیلی، دبئی کی گرمی سے بچنے کے لئے اقدام

نئی دہلی، 30 اگست (یو این آئی) ایشیا کپ کے 19 میں سے 18 میچ (فائنل سمیت) شام 6:30 بجے (خلیجی وقت) شروع ہوں گے، جو پہلے کے شیڈول سے آدھا گھنٹہ پہلے ہے تاکہ دن کی شدید گرمی سے بچا جا سکے۔
صرف ایک میچ متاثر نہیں ہوگا، جو دن کے وقت 15 ستمبر کو ابوظہبی میں متحدہ عرب امارات اور عمان کے درمیان کھیلا جائے گا۔
آٹھ ٹیموں کے ٹورنامنٹ میں افغانستان اور ہانگ کانگ کی ٹیمیں اپنا پہلا میچ 9 ستمبر کو ابوظہبی میں کھیلیں گی۔