این ایچ آر سی نے زمبابوے کے طالب علم کی موت پر پنجاب کے ڈی جی پی سے رپورٹ طلب کی

نئی دہلی، 27 اگست (یواین آئی) قومی انسانی حقوق کمیشن (این ایچ آر سی) نے پنجاب کے بھٹنڈہ میں مبینہ طور پر حملہ کرنے کے بعد زمبابوے کے ایک طالب علم کی موت سے متعلق میڈیا رپورٹس کا از خود نوٹس لیا ہے ۔
کمیشن نے یہاں جاری ایک بیان میں کہا کہ گرو کاشی یونیورسٹی سے گریجویشن کرنے والے طالب علم کی 21 اگست کو ایمس، بھٹنڈہ میں حملے کے بعد موت ہوگئی۔
اطلاعات کے مطابق 13 اگست کو کسی بات پر ان کا ایک سیکورٹی گارڈ سے جھگڑا ہوا۔ الزام ہے کہ گارڈ نے اپنے ساتھیوں کے ساتھ مل کر طالب علم پر حملہ کیا۔ واقعہ کے سلسلے میں ایف آئی آر بھی درج کر لی گئی۔
رپورٹ میں انسانی حقوق کے سنگین خدشات کو مدنظر رکھتے ہوئے کمیشن نے ڈائریکٹر جنرل آف پولیس، پنجاب اور گرو کاشی یونیورسٹی، بھٹنڈہ کے رجسٹرار کو نوٹس جاری کیا ہے ۔ دونوں افسران کو دو ہفتوں میں تفصیلی رپورٹ پیش کرنے کی ہدایت کی دی ہے ۔