ڈاکٹر نریش نے ریکھا گپتا پر حملے کی مذمت کی

نئی دہلی، 20 اگست (یو این آئی) دہلی کانگریس کے سینئر ترجمان ڈاکٹر نریش کمار نے وزیر اعلیٰ ریکھا گپتا پر حملے کی مذمت کرتے ہوئے کہا کہ یہ صرف ایک شخص پر حملہ نہیں ہے بلکہ پورے جمہوری نظام پر حملہ ہے ۔
ڈاکٹر نریش کمار نے صحافیوں سے بات کرتے ہوئے کہا کہ جمہوریت کی مضبوطی نظریات کے تبادلے اور اختلافات کو برداشت کرنے میں مضمر ہے لیکن اس میں تشدد کے لیے کوئی جگہ نہیں ہو سکتی ہے ۔ انہوں نے کہا کہ اس واقعہ سے راجدھانی کے امن و امان پر سنگین سوالات اٹھائے ہیں۔ جب وزیر اعلیٰ کی سرکاری رہائش گاہ پر ایسا واقعہ ہو سکتا ہے تو عام شہری کیسے محفوظ رہ سکتا ہے ۔ انتظامیہ نہ صرف فوری طور پر سخت ایکشن لے بلکہ سکیورٹی کے نظام کا بھی مکمل جائزہ لے ۔
ڈاکٹر نریش کمار نے کہا کہ یہ بھی ضروری ہے کہ حکومت اس واقعہ کو محض ایک شاذ معاملہ نہ سمجھے بلکہ اسے جمہوری روایات اور عوامی زندگی کے وقار کے تحفظ کے لیے انتباہ کے طور پر سنجیدگی سے لے ۔
انہوں نے کہا کہ کانگریس ہمیشہ تشدد کے خلاف اور جمہوری بات چیت کے حق میں کھڑی رہی ہے ۔ اس واقعے سے واضح ہے کہ اقتدار میں رہنے والوں کو امن و امان کو مضبوط بنانے اور جمہوری اقدار کے تحفظ کے لیے ٹھوس اقدامات کرنے ہوں گے ۔