جش پور میں جسمانی استحصال کا ملزم گرفتار

جش پور// پولیس نے چھتیس گڑھ کے جش پور ضلع کے 22 سالہ نوجوان سنکیت سائی کو شادی کا جھانسہ دے کر ایک خاتون کا جسمانی استحصال کرنے کے الزام میں گرفتار کیا ہے ۔
سنکیت سائی پر الزام ہے کہ اس نے 2021 سے 2025 تک ایک لڑکی کا جسمانی استحصال کیا اور نوکری کے لیے باہر جانے کے بعد اس نے متاثرہ سے بات کرنا بند کر دی۔
پولیس سے موصول ہونے والی معلومات کے مطابق،2021 میں ملزم اور متاثرہ کی ملاقات ہوئی تھی۔ ملزم نے محبت اور شادی کا یقین دلا کر متعدد بار اس کا جسمانی استحصال کیا۔ ملزم سائی جون 2024 میں متاثرہ کو اپنے گھر لے گیا اور اسے بیوی کی طرح رکھا اور جولائی 2024 میں کام کے بہانے کیرالہ اور گوا گیا جہاں ملزم نے اپنی گرل فرینڈ سے بات کرنا چھوڑ دی اور بعد ازاں گاؤں واپس آنے کے بعد ملزم نے متاثرہ سے شادی کرنے سے انکار کردیا۔
متاثرہ کی شکایت پر تملا چوکی کی پولیس نے کولہنجھریا گاؤں کی متاثرہ کو انصاف دلانے کے لیے تعزیرات ہند کی دفعہ 376 کے تحت مقدمہ درج کیا۔ دوران تفتیش ملزم نے اعتراف جرم کر لیا۔
سینئر سپرنٹنڈنٹ آف پولیس ششی موہن سنگھ نے کہا کہ جش پور پولیس خواتین سے متعلق جرائم پر حساسیت کے ساتھ فوری کارروائی کرتی ہے ۔