پیرا کھلاڑیوں اور تنظیموں نے وزیر اعلیٰ ریکھا گپتا کو ان کی سالگرہ پر مبارکباد دی

نئی دہلی// وزیر اعلیٰ کا عہدہ سنبھالنے کے بعد دہلی کی وزیر اعلیٰ ریکھا گپتا کی پہلی سالگرہ کے موقع پر راجدھانی کے پیرا ایتھلیٹس اور کھیل برادری میں خاص جوش و خروش دیکھا گیا۔
دہلی پیرا اولمپک کمیٹی کی صدر پارول سنگھ نے پیرا کھلاڑیوں کی جانب سے وزیر اعلیٰ کو سالگرہ کی مبارکباد دی اور ان کی طویل اور کامیاب مدت کی خواہش کی۔
پارول سنگھ نے کہا، "وزیر اعلیٰ ریکھا گپتا کی قیادت میں، دہلی جامع ترقی کی سمت میں آگے بڑھ رہی ہے۔ دارالحکومت میں پہلی بار پیرا گیمز کا انعقاد ایک تاریخی قدم ہے، جس سے معذور کھلاڑیوں کو عزت اور مواقع دونوں ملیں گے۔”
ایک پیرا ایتھلیٹ نے ردعمل کا اظہار کرتے ہوئے کہا، ’’ہم پہلی بار محسوس کر رہے ہیں کہ ہماری محنت کو حکومت کے مرکزی دھارے میں پذیرائی مل رہی ہے۔ وزیر اعلیٰ کا ویژن ہمارے لیے باعث تحریک ہے۔‘‘
کھلاڑیوں اور تنظیم نے امید ظاہر کی کہ ریکھا گپتا کا دور حکومت معذور افراد کے لئے نئی اسکیموں، وسائل اور خود انحصاری کے مواقع سے بھرپور ہوگا۔
یواین آئی۔الف الف