ہمیں کیچ چھوڑنا مہنگا پڑا: شبھمن گل

لیڈز// ہندوستانی کرکٹ ٹیم کے کپتان شبھمن گل نے کہا کہ ہمارے پاس ٹیسٹ جیتنے کا موقع تھا، لیکن کیچ چھوڑنا ہمیں مہنگا پڑا۔
انگلینڈ کے خلاف پہلے ٹیسٹ میچ میں پانچ وکٹوں سے شکست کے بعد ہندوستانی کپتان شبھمن گل نے کہا کہ ٹیسٹ میچ شاندار رہا۔ ہم انگلینڈ کی ٹیم کو 430 رنز کا ہدف دینے کے بارے میں سوچ رہے تھے، لیکن ہم نے 31 رنز جوڑ کر اپنی آخری پانچ وکٹیں گنوا دیں۔ انہوں نے کہا کہ ہمارے پاس میچ جیتنے کا موقع تھا۔ کیچ چھوڑنا ہمیں مہنگا پڑا۔
انہوں نے کہا کہ آج بھی، مجھے لگا کہ پہلی وکٹ کے بعد ہمارے پاس مواقع تھے۔ ہم نے پہلی اننگز میں خراب کارکردگی کے بارے میں بات کی، ہمیں آگے بڑھتے ہوئے اس میں بہتری لانی ہوگی۔ اس طرح کے وکٹ پر مواقع آسانی سے نہیں ملتے، لیکن ہماری ٹیم میں نوجوان کھلاڑی ہیں اور ان کے اندر سیکھنے کا جذبہ ہے۔ امید ہے کہ اس میں بہتری آئے گی۔
انہوں نے کہا کہ پہلے سیشن میں ہم نے شاندار گیند بازی کی اور رنز پر قابو پایا، لیکن جب گیند پرانی ہو جاتی ہے تو رنز روکنا مشکل ہو جاتا ہے۔ جب گیند نرم ہو جائے تو وکٹیں لیتے رہنا چاہیے۔ جڈیجا نے شاندار گیند بازی کی، انہوں نے مواقع بنائے۔ بمراہ کون سامیچ کھیلیں گے، اس سوال پر انہوں نے کہا کہ یہ میچ بہ میچ طے ہوتا ہے۔ ایک بار جب ہم طویل وقفے کے بعد اگلے میچ کے قریب ہوں گے تو دیکھا جائے گا۔
واضح رہے کہ لیڈز کے میدان پر ہندوستانی کھلاڑیوں نے کئی کیچ چھوڑے، جس کی وجہ سے انہیں میچ ہارنا پڑا۔ اکیلے یشسوی جیسوال نے چار کیچ چھوڑے ہیں۔ اس سے انگلینڈ کے بلے بازوں کو مزید رنز بنانے کا موقع ملا اور انہوں نے جیت حاصل کی۔