نیپال نے سنسنی خیز مقابلے میں اسکاٹ لینڈ کو دو وکٹوں سے شکست دے دی

گلاسگو// سندیپ لامیچھانے (چار وکٹ)، دیپیندر سنگھ ایری اور کرن کے سی (دو-دو وکٹ) کی شاندار گیندبازی کے بعد کشل بھرتیل (30) رن کی جدوجہد سے پر اننگز کی بدولت نیپال نے منگل کو سہ رخی سیریز کے تیسرے میچ میں اسکاٹ لینڈ کو ایک گیند باقی رہتے ہوئے دو وکٹوں سے شکست دے دی۔
98 رنز کے ہدف کا تعاقب کرنے اتری نیپال کے لئے کشل بھرتیل اور لوکیش بم کی جوڑی نے پہلی وکٹ کے لیے 21 رنز جوڑے۔ تیسرے اوور میں برینڈن میک ملن نے لوکیش بم (9) کو آؤٹ کر کے نیپال کو پہلا جھٹکا دیا۔ اس کے بعد اسکاٹ لینڈ کے بولنگ اٹیک کے سامنے نیپال کی وکٹیں وقفے وقفے سے گرتی رہیں۔ انل شاہ (تین)، کپتان روہت پاڈیل (سات)، دیپیندر سنگھ ایری (14)، کشل بھرتیل (30) اور بصیر احمد (13) رنز بنانے کے بعد آؤٹ ہوئے۔ آخری بلے بازوں کی جدوجہد سے پر اننگز کی بنیاد پر نیپال نے 19.5 اوورز میں آٹھ وکٹوں پر 98 رنز بناکرمیچ دو وکٹوں سے جیت لیا۔
اسکاٹ لینڈ کی جانب سے مائیکل لیسک اور صافیان شریف نے دو دو وکٹیں حاصل کیں۔ جیسپر ڈیوڈسن، جیک جارویس، مارک واٹ اور برینڈن میک ملن نے ایک ایک بلے باز کو آؤٹ کیا۔
اس سے قبل آج یہاں نیپال نے ٹاس جیت کر اسکاٹ لینڈ کے خلاف پہلے گیند بازی کا فیصلہ کیا۔ بلے بازی کرنے آئی اسکاٹ لینڈ کی شروعات انتہائی خراب رہی اور اس نے صرف 4.5 اوورز میں 24 رنز کے اسکور پر پانچ وکٹیں گنوا دیں۔ اسکاٹ لینڈ کی جانب سے مائیکل لیسک نے چار چوکوں اور ایک چھکا کی مدد سے سب سے زیادہ (46) رنز بنائے۔ انہیں دیپیندر سنگھ ایری نے بولڈ آؤٹ کیا۔ کپتان میتھیو کراس (15) اور برینڈن میک ملن (10) رنز بنانے کے بعد آؤٹ ہوئے۔ نیپال کے باؤلنگ اٹیک کے سامنے اسکاٹ لینڈ کی پوری ٹیم 19.4 اوورز میں 97 کے اسکور پر ڈھیر ہو گئی اور نو بلے باز ڈبل فیگر تک بھی نہ پہنچ سکے۔
نیپال کے لیے سندیپ لامیچھانے نے چار اووروں میں 11 رن دے کر چار وکٹ لیے۔ دیپندر سنگھ ایری نے 3.4 اوورز میں 24 رنز دے کر دو وکٹ جھٹکے۔ کرن کے سی نے چار اوورز میں 20 رنز دے کر دو وکٹ اپنے نام کیا۔