وکرم مصری امریکہ کے سہ روزہ دورے پر روانہ ہوں گے

نئی دہلی// خارجہ سکریٹری وکرم مصری منگل سے امریکہ کے تین روزہ دورے پر واشنگٹن روانہ ہوں گے ۔
وزارت خارجہ نے آج یہاں بتایا کہ خارجہ سکریٹری مسٹر وکرم مصری 27 سے 29 مئی تک واشنگٹن کا دورہ کریں گے جہاں وہ امریکی انتظامیہ کے سینئر عہدیداروں سے ملاقات کریں گے ۔
وزارت خارجہ کے مطابق یہ دورہ اس سال فروری میں وزیر اعظم کے دورہ امریکہ کے بعد ہو رہا ہے ۔ فروری میں، دونوں ممالک نے 21ویں صدی کے ہند -امریکہ معاہدے کا اعلان کیا تھا ۔
خیال کیاجاتا ہے کہ خارجہ سکریٹری کے اس دورے کے دوران کچھ اہم دفاعی سازوسامان/ٹیکنالوجی کے حوالے سے امریکہ سے تعاون حاصل کرنے پر بات چیت ہو سکتی ہے ۔