آئی سی سی خاتون ایک روزہ بلے بازی رینکنگ میں اسمرتی مندھانا نے دوسری پوزیشن حاصل کی

دبئی// ہندوستان کی معروف بلے باز اسمرتی مندھانا کو اپنی حالیہ شاندار فارم کا صلہ ملا ہے اور وہ آئی سی سی خاتون بین الاقوامی ایک روزہ پلیئر رینکنگ میں دوسرے نمبر پر پہنچ گئی ہیں۔
سری لنکا میں حال ہی میں اختتام پذیر سہ فریقی سیریز میں ہندوستان کی خطابی جیت میں اہم کردار ادا کرنے والی اسٹار اوپننگ کھلاڑی اسمرتی مندھانا آئی سی سی ویمن ون ڈے بیٹنگ رینکنگ میں ایک درجے کے فائدے کے ساتھ دوسرے نمبر پر پہنچ گئی ہیں، جس سے ان کی نظریں ایک بار پھر سرفہرست پوزیشن حاصل کرنے پر مرکوز ہیں۔ آخری بار 2019 میں نمبر ون ون ڈے بلے باز بننے والی مندھانا نے سری لنکا اور جنوبی افریقہ کے خلاف حال ہی میں ختم ہونے والی سیریز کی پانچ اننگز میں 264 رنز بنائے اور سیریز کی دوسری سب سے کامیاب بلے باز رہیں۔ سری لنکا کے خلاف فائنل میں 101 گیندوں پر 116 رنز کی اننگز کھیلنے والی مندھانا سرفہرست جنوبی افریقہ کی لورا وولورڈٹ سے صرف 11 رینکنگ پوائنٹس پیچھے ہیں۔ وولورڈٹ سہ فریقی سیریز میں صرف 86 رنز بنا سکیں۔
مندھانا نے حال ہی میں سری لنکا اور ساؤتھ افریقہ کے خلاف ہندوستان کی جیت میں ٹرائی سیریز کے دوران شاندار کارکردگی دکھائی، جہاں بائیں ہاتھ کی اس بلے بازنے پانچ اننگز میں 264 رنز بنائے اور ایونٹ کی دوسری سب سے زیادہ رن بنانے والی کھلاڑی رہیں۔اس سے مندھانا بین الاقوامی ایک روزہ ( او ڈی آئی) بلے بازوں کی تازہ رینکنگ میں ایک درجہ چھلانگ لگا کر مجموعی طور پر دوسرے نمبر پر پہنچ گئیں، اور اب وولورڈٹ کے ساتھ ان کا فرق صرف 11 رینکنگ پوائنٹس رہ گیا ہے، کیونکہ ساؤتھ افریقی کپتان نے ٹرائی سیریز کے دوران صرف 86 رنز بنائے ہیں۔
مندھانا اس سے قبل او ڈی آئی بلے بازی میں نمبر ون رینکنگ حاصل کر چکی ہیں، لیکن 28 سالہ کھلاڑی نے 2019 کے بعد سے 50 اوورز کے کرکٹ میں یہ اعلیٰ پوزیشن حاصل نہیں کی، حالانکہ وہ اس دوران مسلسل ٹاپ 10 میں شامل رہی ہیں۔
آئی سی سی کی رپورٹ کے مطابق سری لنکا کی کپتان چماری اٹاپٹونے ٹرائی سیریز کے دوران اپنی ٹیم کے لیے 139 رنز بنا کر ٹاپ 10 میں دو درجے ترقی پائی اور اب وہ ساتویں پوزیشن پر برابر ہیں، جبکہ جمیمہ روڈریگس (پانچ درجے ترقی کے ساتھ 15ویں) اور ساؤتھ افریقہ کی کلوئی ٹرائن (نو درجے کے فائدے کے ساتھ 18ویں) نے بھی رینکنگ مین اصلاح کیا ہے۔
ہندوستانی اسپنرا سنیہ رانا کو ٹرائی سیریز کے دوران پلیئر آف دی سیریز قرار دیا گیا تھا اور تجربہ کار اسپنر بین الاقوامی ایک روزہ گیندبازوں کی تازہ فہرست میں بڑی چھلانگ لگانے والوں میں شامل رہی، جس کی سربراہی اب بھی انگلینڈ کی سوفی ایکلسٹون کر رہی ہیں اور چوٹی پر قابض ہیں۔
ساؤتھ افریقہ کی سیمر نادین ڈی کلرک نے ایک درجہ ترقی پا کر مجموعی طور پر 24ویں پوزیشن حاصل کی، جبکہ رانا نے ٹرائی سیریز میں صرف 14 کی اوسط سے 15 وکٹیں لے کر چار درجے ترقی کے ساتھ 34ویں پوزیشن پر جگہ بنائی۔
آسٹریلیا کی ایش گارڈنر ایک روزہ آل راونڈر کی رینکنگ میں چوٹی پر موجود ہیں ۔ جبکہ ہندوستان کی دپتی شرما نے ٹرائی سیریز کے دوران اپنی ٹیم کے لیے کچھ اچھے پرفارمنس کے بعد ایک درجہ ترقی پا کر مجموعی طور پر پانچویں پوزیشن حاصل کی۔ اسی فہرست میں ٹرائن (تین درجے ترقی کے ساتھ 11ویں) اور ڈی کلرک (چار درجے ترقی کے ساتھ 12ویں) نے بھی بہتری دکھائی ہے۔