ڈونلڈ ٹرمپ پوپ فرانسس کی تدفین میں شرکت کریں گے

واشنگٹن//
امریکی صدر ڈونلڈ ٹرمپ پوپ فرانسس کی تدفین میں شرکت کریں گے۔
تفصیلات کے مطابق ڈونلڈ ٹرمپ نے بتایا ہے کہ وہ اپنی اہلیہ میلانیا کے ساتھ روم میں پوپ فرانسس کی تدفین میں شرکت کریں گے، ڈونلڈ ٹرمپ نے ملک میں تمام وفاقی اور ریاستی جھنڈوں کو سرنگوں رکھنے کا حکم بھی دے دیا ہے۔لاطینی امریکا کے پہلے پوپ پوپ فرانسس کی موت کے بعد دنیا بھر سے تعزیتی پیغامات کا سلسلہ جاری ہے، ویٹی کن حکام کے مطابق پوپ کا انتقال ان کی رہائش گاہ کاسا سانتا مارٹا میں ہوا، جو ویٹیکن کا ایک گیسٹ ہاؤس ہے، جہاں پوپ 2013 میں اپنے انتخاب کے بعد سے مقیم تھے۔
واضح رہے کہ ویٹی کن حکام نے پوپ فرانسس کی موت سے متعلق تفصیلات جاری کر دی ہیں، ویٹی کن حکام کے مطابق پوپ کا انتقال فالج کے بعد دل کی دھڑکن بند ہونے سے ہوا، پوپ مقامی وقت کے مطابق صبح 6 بجے اٹھے، انتقال ساڑھے 7 بجے ہوا۔
پوپ فرانسس کی موت نمونیا کی وجہ سے نہیں ہوئی، وہ فالج کے بعد کوما میں چلے گئے تھے، پوپ نے بغیر کسی سجاوٹ کے فرانسسکن کے نام کے ساتھ تدفین کا کہا تھا، پوپ نے تدفین کے اخراجات کے لیے گمنام شخص کا انتخاب کیا تھا۔