آئی پی ایل میں کوہلی نے ایک اور ریکارڈ بناڈالا

نئی دہلی //
بھارت کے اسٹار بیٹر ویرات کوہلی نے ایک مرتبہ پھر تاریخ رقم کردی۔
گزشتہ روز ممبئی کے وانکھڈے اسٹیڈیم میں کھیلے گئے میچ میں ویرات کوہلی کی ٹیم رائل چیلنجر بنگلور نے ممبئی انڈیز کیخلاف فتح سمیٹی، اس میچ میں فتح کیساتھ انکی ٹیم پوائنٹس ٹیبل پر تیسری پوزیشن پر آگئی ہے۔
اس میچ میچ میں پہلے بیٹنگ کرتے ہوئے ہوئے رائل چیلنجر بنگلور نے 5 وکٹوں کے نقصان پر 221 رنز بنائے، ویرات کوہلی نے 67 رنز کی اننگز کھیلی اور تاریخ رقم کی۔
کوہلی نے ٹی20 فارمیٹ میں 13 ہزار رنز بنانے کا اعزاز حاصل کیا، وہ ایسا کرنیوالے پہلے بھارتی بلےباز بنے۔
انہوں نے یہ کارنامہ 403 ویں ٹی20 میچ کی اپنی 386 ویں اننگز میں حاصل کیا، کوہلی ویسٹ انڈین کھلاڑی کرس گیل کے بعد ٹی20 میں یہ معرکہ سرانجام دینے والے دنیا کے دوسرے تیز ترین بلے باز بن گئے ہیں۔
کرس گیل نے اپنی 381 ویں ٹی20 اننگز میں 13 ہزار کا ہندسہ عبور کیا تھا۔
اننگز کے اعتبار سے ٹی ٹوئنٹی میں تیز ترین 13 ہزار رنز بنانے والے بیٹرز
کرس گیل (ویسٹ انڈیز) – 381
ویرات کوہلی (بھارت) – 386
ایلکس ہیلز (انگلینڈ) – 474
شعیب ملک (پاکستان) – 487
کیرون پولارڈ (ویسٹ انڈیز) – 594
واضح رہے کہ ٹی20 میں اب تک کل 5 بلے بازوں نے 13 ہزار یا اس سے زیادہ رنز بنائے ہیں۔