خارکیف پر متعدد روسی ڈرون حملے، 4 افراد ہلاک

خارکیف//
یوکرین کے شہر خارکیف میں ہونے والے روسی متعدد ڈرون حملوں میں 4 افراد ہلاک اور 30 سے زائد زخمی ہوگے۔
یوکرینی حکام کے مطابق روس نے جمعرات اور جمعے کی دمیانی شب یوکرین کے شمال مشرقی شہر خارکیف پر ڈرونز کا بیراج فائر کیا۔
روس نے رہائشی کوارٹرز کو نشانہ بنایا، جس سے کئی منزلہ اپارٹمنٹ کے بلاکس کو نقصان پہنچا اور آگ بھڑک اُٹھی، جس سے 4 افراد ہلاک اور 3 بچوں سمیت 35 زخمی ہوگئے۔
میڈیا رپورٹس کے مطابق ریسکیو ٹیمیں رات بھر ملبے میں سے زندہ بچ جانے والوں کی تلاش میں مصروف رہیں جبکہ ہلاک ہونے والوں کی شناخت کے لیے بھی کارروائی کی جا رہی ہے۔
یوکرینی فضائی فوج کا کہنا ہے کہ فضائی دفاعی یونٹس نے 78 میں سے 42 روسی ڈرون مار گرائے جبکہ 22 ڈرونز کو ری ڈائریکٹ کیا۔