حارث رؤف نے بیٹے کے ہمراہ پہلی تصویر شیئر کر دی، نام بھی بتا دیا

کراچی//
پاکستانی فاسٹ بولر حارث رؤف اور ان کی اہلیہ مزنا مسعود ملک نے اپنے یہاں پہلی اولاد بیٹے کو خوش آمدید کہا ہے۔
حارث رؤف کے یہاں بیٹے کی پیدائش سے متعلق خوشخبری کا اعلان ان کے ساتھی کھلاڑیوں شاہین شاہ آفریدی اور شاداب خان نے کیا ہے۔
اب حارث رؤف نے خود بھی اس خبر کی تصدیق کر دی ہے۔
حارث رؤف نے اپنے ننھے سے بیٹے کو اٹھائے ہوئے پہلی تصویر شیئر کی، اس تصویر میں حارث رؤف کی اہلیہ مزنا کا صرف ہاتھ دیکھا جا سکتا ہے۔
کرکٹر نے اس پوسٹ کے کیپشن میں مداحوں کو نومولود کے نام سے بھی آگاہ کیا ہے۔
حارث رؤف نے اپنی پوسٹ کے کیپشن میں بتایا ہے کہ مجھے اپنے قیمتی بیٹے کی پیدائش کا اعلان کرتے ہوئے بہت خوشی ہو رہی ہے، میں نے اپنے بیٹے کا نام ’محمد مصطفیٰ حارث‘ رکھا ہے۔
واضح رہے کہ حارث رؤف نے 24 دسمبر 2022ء کو اپنی ہم جماعت مزنا مسعود ملک سے نکاح کیا تھا جبکہ رخصتی و ولیمہ جولائی 2023ء میں ہوا تھا۔