مرکزی کابینہ نے۵جی اسپیکٹرم کی نیلامی کو دی منظوری

نئی دہلی//
حکومت نے بدھ کو ٹیلی کام سیکٹر کے پلان۵جی اسپیکٹرم کی نیلامی کو منظوری دے دی۔
وزیر اعظم نریندر مودی کی صدارت میں آج ہوئی مرکزی کابینہ کی میٹنگ میں اس سلسلے میں ایک قرارداد کو منظوری دی گئی۔
۵جی سروسز ۴جی سروس کے مقابلے میں۱۰گنا زیادہ تیزی سے کام کریں گی اور جلد ہی اسے شروع کیا جائے گا۔
اس پلان کے تحت۷۲گیگا ہرٹز اسپیکٹرم اگلے۲۰سالوں کیلئے نیلام کیے جائیں گے ۔ اسپیکٹرم کی نیلامی جولائی کے آخر تک کی جائے گی۔
اس پلان میں ٹیلی کام سروس فراہم کرنے والی کمپنیوں کی لاگت کو کم کرنے کے لیے بھی اقدامات کیے جا رہے ہیں۔
اس پلان کے تحت کامیاب کمپنیوں کو۵جی اسپیکٹرم الاٹ کیا جائے گا تاکہ وہ عام لوگوں اور مختلف اداروں کو خدمات فراہم کر سکیں۔