امریکی صدر اور برطانوی وزیراعظم کا فون پر رابطہ

واشنگٹن//
امریکی صدر ڈونلڈ ٹرمپ اور برطانوی وزیراعظم کیئر سٹارمر نے اتوار کے روز ٹیلیفون پر رابطہ کیا ہے۔ فون کال کے دوران غزہ کی معیشت پر گفتگو کی گئی ہے۔ نیز جلد ملاقات کا فیصلہ بھی کیا گیا ہے۔
ڈاؤننگ سٹریٹ کی جانب سے فون کال کے حوالے سے جاری کردہ رپورٹ کے مطابق کیئر سٹارمر نے غزہ میں جنگ بندی معاہدے کے حوالے سے ٹرمپ کی کوششوں کی تعریف کی ہے۔ نیز ڈولڈ ٹرمپ نے برطانوی نژاد اسرائیلی شہری ایملی ڈاماری کی حماس و اسرائیل کے جنگ بندی معاہدے کے تحت رہائی کا بھی خیر مقدم کیا۔
بیان کے مطابق ٹیلیفون کال پر اس امر پر بھی بات چیت کی گئی کہ امریکہ و برطانیہ کے درمیان منصفانہ دوطرفہ اقتصادی تعلقات کو کیسے فروغ دے سکتے ہیں۔
ڈاؤننگ سٹریٹ کا کہنا ہے کہ دونوں رہنماؤں نے قریبی تعلقات کی اہمیت پر زور دیتے ہوئے جلد ملاقات کا فیصلہ کیا ہے۔
وائٹ ہاؤس نے کہا ہے کہ ٹرمپ نے برطانوی شاہی خاندان کے لیے اپنی نیک خواہشات کا اظہار کیا ہے۔ گزشتہ ماہ ریپیبلیکن پارٹی نے وزیراعظم کیئر سٹارمر کے بھائی کے انتقال پر تعزیت کے لیے فون کال کی تھی۔
دوسری جانب برطانیہ میں لیبر پارٹی کی حکومت نے ٹرمپ انتظامیہ کے ساتھ تعلقات بنانے میں وقت لگایا ہے۔ ٹرمپ نے ہفتے کے روز کہا ہے کہ سٹارمر بہت اچھا کام کر رہے ہیں۔