بارشوں سے گرمی کا زور تھم گیا‘ مزید بارشوں کا امکان:محکمہ موسمیات

سرینگر//
وادی کشمیر میں گذشتہ شام ہونے والی بارشوں سے گرمی کے زور ک ایک پھر قدرے تھم گیا ہے ۔
محکمہ موسمیات کے ایک ترجمان کے مطابق وادی میں اگلے چوبیس گھنٹوں کے دوران کہیں کہیں ہلکی بارشیں ہونے کا امکان ہے ۔
ترجمان نے کہا کہ وادی میں گرج چمک کے ساتھ سہہ پہر کے بعد کہیں کہیں بارشیں ہونے کا سلسلہ اگلے قریب ایک ہفتے تک جاری رہ سکتا ہے ۔
وادی میں گرمی کی شدت اپنی رفتار پکڑ ہی رہی تھی کہ گذشتہ سہہ پہر کو کہیں موسلہ دھار بارشیں، کہیں ژالہ بھاری تو کہیں تیز ہوائیں چلیں جس سے جہاں گرمی کا زور ایک بار پھر تھم گیا وہیں شبانہ درجہ حرارت میں بھی کمی واقع ہوئی۔
دارلحکومت سرینگر میں گذشتہ چوبیس گھنٹوں کے دوران۷ء۸ملی میٹر بارش ریکارڈ کی گئی جبکہ کم سے کم درجہ حرارت۶ء۱۴ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۸ء۰ڈگری سینٹی گریڈ کم ریکارڈ ہوا تھا۔
وادی کے مشہور زمانہ سیاحتی مقام گلمرگ میں گذشتہ چوبیس گھنٹوں کے دوران۲ء۸ملی میٹر بارش ریکارڈ کی گئی جبکہ کم سے کم درجہ حرارت۸ء۴ڈگری سینٹی گریڈ ریکارڈ کیا گیا جو معمول سے ۰ء۴ڈگری سینٹی گریڈ کم ریکارڈ ہوا تھا۔
وادی کے دوسرے مشہور سیاحتی مقام پہلگام میں گذشتہ چوبیس گھنٹوں کے دوران۲ء۱۱ملی میٹر بارش ریکارڈ ہوئی جبکہ کم سے کم درجہ حرارت۵ء۹ڈگری سینٹی گریڈ ریکارڈ کیا گیا۔
شمالی ضلع کپوارہ میں گذشتہ چوبیس گھنٹوں کے دوران۶ء۰ملی میٹر بارش ریکارڈ کی گئی جبکہ کم سے کم درجہ حرارت۵ء۱۲ڈگری سینٹی گریڈ ریکارڈ کیا گیا جو معمول سے۱ء۰ ڈگری سینٹی گریڈ کم ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں گذشتہ چوبیس گھنٹوں کے دوران۰ء۴ملی میٹر بارش ریکارڈ کی گئی جبکہ کم سے کم درجہ حرارت۰ء۱۳ڈگری سینٹی گریڈ ریکارڈ کیا گیا جو معمول سے۱ء۰ڈگری سینٹی گریڈ کم ریکارڈ ہوا تھا۔