شکیب الحسن کے ایکشن کی جانچ ہوگی

لندن// کاؤنٹی چیمپئن شپ میں سرے کے لیے کھیلنے کے دوران امپائرز نے شکیب کے گیندبازی ایکشن کے حوالے سے دی گئی رپورٹ کے بعد انگلینڈ اینڈ ویلز کرکٹ بورڈ (ای سی بی) نے بنگلہ دیشی آل راؤنڈر شکیب سے اپنے بولنگ ایکشن کی جانچ کرانے کے لئے کہا ہے۔
اگرچہ شکیب کو کھیلنے سے نہیں روکا گیا تاہم معلوم ہوا ہے کہ شکیب کے ایکشن کی جانچ کرانے کے لیے بات چیت جاری ہے۔ یہ جانچ اگلے چند ہفتوں میں ہو سکتی ہے۔
شکیب کے دو دہائیوں کے طویل کیریئر میں یہ پہلا موقع ہے کہ ان کا باؤلنگ ایکشن کسی بھی قسم کی جانچ پڑتال کا موضوع بن گیا ہے۔ اس عرصے کے دوران شکیب نے اپنے انٹرنیشنل کیرئیر میں 447 میچوں میں 712 وکٹیں حاصل کیں جس میں 71 ٹیسٹ میچوں میں 246 وکٹیں شامل ہیں۔
ستمبر میں ٹاونٹن میں سمرسیٹ کے خلاف ٹائٹل میچ میں 37 سالہ شکیب نے نو وکٹیں حاصل کی تھیں۔ شکیب 2010-11 کے بعد پہلی بار کاؤنٹی چیمپئن شپ میں کھیل رہے تھے۔ انگلینڈ کے آٹھ کھلاڑیوں کے قومی ٹیم میں ہونے کے باعث ول جیکس اور ڈین لارنس جیسے دو اہم اسپنرز کی غیر موجودگی میں سرے کے ساتھ مختصر مدت کا معاہدہ کیا تھا۔
حالانکہ شکیب سمرسیٹ کو 111 رنز سے جیتنے سے نہ روک سکے اور سرے مسلسل تیسرا چیمپئن شپ ٹائٹل جیتنے میں ناکام رہا۔ اس میچ میں شکیب نے 63 اوور سے زیادہ گیند بازی کی تھی لیکن ایک بار بھی ان کی گیندبازی کے دوران تھرو کرنے کا حوالہ دے کر کسی گیند کو نو بال قرار نہیں دیا گیاتھا۔ اب یہ بات سامنے آئی ہے کہ آن فیلڈ امپائرز نے ان کا بولنگ ایکشن مشکوک پایا تھا۔
بنگلادیش کے آل راؤنڈر شکیب الحسن کا بولنگ ایکشن کاؤنٹی چیمپئن شپ کے دوران رپورٹ کردیا گیا۔
میڈیا رپورٹس کے مطابق شکیب الحسن کے بولنگ ایکشن کو امپائرز نے مشکوک کہہ کر رپورٹ کردیا ہے۔
امپائر کی طرف سے آل راؤنڈ کے بولنگ ایکشن پر اٹھائے گئے سوال پر انگلینڈ کرکٹ بورڈ نے ایکشن کے جائزے کا کہہ دیا ہے۔
میڈیا رپورٹس کے مطابق شکیب الحسن نے کاؤنٹی چیمپئن کے ایک میچ میں سمرسیٹ کے خلاف سرے کی نمائندگی کی تھی اور 9 کھلاڑیوں کو پویلین کی راہ دکھائی تھی۔
بنگلادیشی آل راؤنڈر کو ایکشن رپورٹ ہونے کے باوجود معطلی کا سامنا نہیں کرنا پڑا ہے، صرف بولنگ ایکشن کا ٹیسٹ کرانے کا کہا گیا ہے۔
میڈیا رپورٹس کے مطابق شکیب الحسن کے بولنگ ایکشن کو کیریئر میں پہلی مرتبہ مشکوک رپورٹ کیا گیا ہے۔
بنگلادیشی آل راؤنڈر پہلے ہی قتل کے ایک مقدمے میں نامزد ہیں، جس کے باعث وہ ملک واپس نہیں گئے، انہیں اگست میں طلبہ تحریک کے دوران مقدمے میں نامزد کیا گیا تھا۔
شکیب الحسن سیکیورٹی خدشات کے پیش نظر ساؤتھ افریقا کے خلاف ٹیسٹ میچ کھیلنے بھی بنگلادیش نہیں گئے۔