مانڈویہ اور لیانڈر پیس نے کھیلوں میں ملک کی کارکردگی کو مزید بہتر بنانے پر تبادلہ خیال کیا

نئی دہلی// مرکزی نوجوانوں کے امور اور کھیلوں کے وزیر ڈاکٹر منسکھ مانڈویہ نے آج ہندوستان میں کھیلوں کے مستقبل اور اولمپک/پیرا اولمپکس میں ملک کی کارکردگی کو مزید بہتر بنانے کی حکمت عملی پر بین الاقوامی ٹینس ہال آف فیمر لینڈر پیس کے ساتھ تبادلہ خیال کیا۔
اس ملاقات کے دوران ملک میں کھیلوں کی مضبوط بنیاد رکھنے، گراس روٹ ٹیلنٹ کی نشاندہی اور انہیں فروغ دینے پر زور دیا گیا۔
مرکزی وزیر نے عالمی معیار کی سہولیات، کوچنگ اور مسابقتی مواقع تک رسائی کے خواہشمند کھلاڑیوں کے لیے سازگار ماحول پیدا کرنے کے لیے اپنے عہد کا اظہار کیا۔
اس موقع پر لیانڈر پیس، جنہوں نے سات اولمپک کھیلوں میں ہندوستان کی نمائندگی کی ہے، ڈاکٹر مانڈویہ کے ساتھ اپنے تجربات اور بصیرت کا اشتراک کیا کہ کس طرح اعلیٰ سطح پر کامیابی حاصل کی جائے۔