سعودی عرب میں براہ راست سورج کی روشنی میں کام کرنے پر پابندی عائد

الریاض//
سعودی عرب میں براہ راست سورج کی روشنی میں کام کرنے پر پابندی عائد کردی گئی۔
سعودی میڈیا کے مطابق یہ پابندی 15 جون سے 15 ستمبر تک تمام نجی شعبوں کے لیے ہوگی جس کے تحت دوپہر 12 بجے سے 3 بجے تک براہ راست سورج کی روشنی میں کام کرنے پر پابندی ہوگی۔
میڈیا رپورٹ کے مطابق اس فیصلے کا مقصد نجی شعبے کے ملازمین کی حفاظت اور صحت کو یقینی بنانا ہے۔
سعودی میڈیا کے مطابق براہ راست سورج کی روشنی میں کام کرنے پر پابندی کی خلاف ورزیوں کی اطلاع دینے کے لیے سرکاری حکام نے نمبر بھی جاری کیا ہے جبکہ خلاف ورزی کی اطلاع موبائل فون ایپلیکیشن کے ذریعے بھی دی جاسکتی ہے۔