پیانگ یانگ//
شمالی کوریا نے جمعہ کو اپنے مشرقی پانیوں میں ایک نئے خود مختار نیوی گیشن سسٹم کا استعمال کرتے ہوئے ٹیکٹیکل بیلسٹک میزائل کا تجربہ کیا۔سرکاری کورین سنٹرل نیوز ایجنسی (کے سی این اے) نے ہفتہ کو یہ اطلاع دی۔کے سی این اے کی رپورٹ ہے کہ خود مختار نیویگیشن سسٹم کی درستگی اور قابل اعتماد ہونے کی ٹیسٹ کے ذریعے تصدیق کی گئی۔رپورٹ میں کہا گیا ہے کہ ورکرز پارٹی آف کوریا کے جنرل سیکرٹری اور شمالی کوریا کے ریاستی امور کے چیئرمین کم جونگ اُن نے ٹیسٹ کا معائنہ کیا اور آزادانہ ترقی اور خود مختار نیوی گیشن سسٹم کے کامیاب تعارف کے نتیجے میں ملٹری اسٹریٹجک قدر پر اطمینان کا اظہار کیا۔