وادی کے میدانی علاقوں میں موسلادھار بارشوں کا سلسلہ جاری

سرینگر//
وادی کشمیر کے پہاڑی علاقوں میں تازہ برف باری اور میدانی علاقوں میں موسلا دھار بارشوں کے بیچ محکمے موسمیات نے۱۹؍اپریل کی شام تک موسم ناسازگار رہنے کی پیش گوئی کی ہے ۔
موسمیات محکمے کے ایک ترجمان نے کہا کہ ۱۵؍اپریل کو وادی کے بالائی علاقوں میں کہیں کہیں برف باری جبکہ میدانی علاقوں میں رک رک کر بارشوں کا سلسلہ جاری رہنے کا امکان ہے ۔انہوں نے کہا کہ وادی میں۱۶؍اور۱۷؍اپریل کو کہیں کہیں ہلکی بارشیں ہوسکتی ہیں۔
ان کا کہنا تھا کہ بعد ازاں وادی میں۱۸؍اور۱۹؍اپریل کی شام تک کئی مقامات پر ہلکی سے درمیانی درجے کی برف باری یا بارشوں کا امکان ہے ۔انہوں نے کہا کہ بعد ازاں وادی میں۲۰سے۲۵؍اپریل تک موسم مجموعی طور پر خشک رہنے کی توقع ہے ۔
محکمے نے ایڈوائزری جاری کرتے ہوئے کسانوں سے۱۶؍اپریل تک اپنے باغوں اور کھیت کھلیانوں میں آپریشنز معطل رکھنے کو کہا ہے ۔انہوں نے کہا کہ وادی کے پہاڑی علاقوں میں۱۴؍اور۱۵کہیں کہیں زمینی ٹرانسپورٹ متاثر رہ سکتا ہے اور اس دوران بعض مقامات پر مٹی کے تودے اور چٹانیں کھسک آنے کا امکان ہے ۔
محکمے کے مطابق سری نگر میں گذشتہ چوبیس گھنٹوں کے دوران۶ء۲۷ملی میٹر بارش ریکارڈ ہوئی ہے جبکہ اس دوران قاضی گنڈ میں۴ء۴۱ملی میٹر، پہلگام میں۲ء۲۲ملی میٹر‘ کپوارہ میں۵ء۲۸ملی میٹر اور گلمرگ میں ۹ء۳۹ملی میٹر بارش ریکارڈ ہوئی ہے ۔
دریں اثنا نا ساز گار موسمی حالات کے باعث وادی کے شبانہ درجہ حرارت میں قدرے گراوٹ درج ہوئی ہے ۔
گرمائی دارلحکومت سرینگر میں کم سے کم درجہ حرارت۰ء۸ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۰ء۱۰ڈگری سینٹی گریڈ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۲ء۱ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۴ء۲ڈگری سینٹی گریڈ ریکارڈ ہوا تھا۔
ایک اورسیاحتی مقام پہلگام میں کم سے کم درجہ حرارت۷ء۵ڈگری سینٹی گریڈ ریکارڈ کیا گیا جہاں گذشتہ شب بھی یہی درجہ حرارت ریکارڈ ہوا تھا۔
شمالی ضلع کپوارہ میں کم سے کم درجہ حرارت۲ء۷ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۹ء۸ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت۸ء۷ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۴ء۹ڈگری سینٹی گریڈ ریکارڈ ہوا تھا۔