بارہمولہ میں شراب کی دکان پر گرینیڈ حملہ کیس‘تین افراد گرفتار

سرینگر//
شمالی ضلع بارہمولہ کے دیوان باغ علاقے میں منگل کی شام کو شراب کی دکان پر ہوئے گرینیڈ حملے کے بعد بدھ کے روز سیکورٹی فورسز نے کئی علاقوں میں تلاشی آپریشن چلایا ۔
ذرائع نے بتایا کہ سیکورٹی فورسز نے تین افراد کو پوچھ تاچھ کیلئے گرفتار کیا ہے جبکہ سی سی ٹی وی فوٹیج بھی منظر عا م پر لائی گئی ہے ۔
یو این آئی اردو کو ذرائع سے معلوم ہوا ہے کہ بارہ مولہ کے دیوان باغ علاقے میں منگل کی شام کو شراب کی دکان پر ہوئے گرینیڈ حملے کی تحقیقات کا دائرہ وسیع کیا گیا ہے ۔
ذرائع نے بتایا کہ بدھ کے روز سیکورٹی فورسز نے ضلع بارہ مولہ کے کئی علاقوں کی تلاشی لی جبکہ پورے ضلع میں سیکورٹی کو ہائی الرٹ پر رکھا گیا ہے ۔
معلوم ہوا ہے کہ سیکورٹی فورسز نے پوچھ تاچھ کی خاطر تین افراد کو حراست میں لے لیا ہے ۔
ذرائع نے بتایا کہ جس جگہ پر شراب کی دکان ہے وہاں متصل ہی ایس ایس پی بارہ مولہ اور ڈی آئی جی کے دفاتر بھی ہے ۔سیکورٹی فورسز نے ضلع بھر میں ناکوں کا جال بچھایا ہے تاکہ حملہ آوروں کو کیفر کردار تک پہنچایا جاسکے ۔
بدھ کے روز سیکورٹی فورسز نے مصدقہ اطلاع موصول ہونے کے بعد بارہ مولہ کے کانلی باغ علاقے کو محاصرے میں لے کر تلاشی آپریشن شروع کیا۔
معلوم ہوا ہے کہ کئی گھنٹوں تک علاقے کی تلاشی لی گئی تاہم اس دوران کسی کی گرفتاری عمل میں لانے کے بارے میں کوئی اطلاع موصول نہیں ہوئی۔
دریں اثنا بارہ مولہ گرینیڈ حملے سے متعلق ایک سی سی ٹی وی فوٹیج بھی سوشل میڈیا پر وائرل ہے جس میں صاف دیکھا جاسکتا ہے کہ سکوٹی پر برقع پوش سمیت دو افراد سوار ہیں۔