روہت شرما نے آئی پی ایل میں زیادہ بار صفر پر آئوٹ ہونے کا ریکارڈ برابر کردیا

ممبئی//ممبئی انڈینز کے سابق کپتان روہت شرما پیر کو راجستھان رائلز کے خلاف اپنی ٹیم کے میچ کے دوران وانکھیڑے سٹیڈیم میں واپسی پر گولڈن ڈک پر آئوٹ ہوگئے۔ ایشان کشن کے چوتھے گیند پر سنگل لینے کے بعد روہت شرما نے اپنی پہلی گیند کا سامنا کیا۔ ٹرینٹ بولٹ جن کے خلاف روہت کا ریکارڈ خراب ہے، ایک بار پھر ممبئی انڈینز کے سابق کپتان کے لیے بہت مشکل ثابت ہوئے۔
روہت سٹمپ کے پیچھے سنجو سیمسن کا شکار بنے جس نے اپنے دائیں جانب ایک اچھا ڈائیونگ کیچ لیا۔ یہ پانچویں بار تھا جب روہت کو بولٹ نے T20 میں آؤٹ کیا۔ یہ روہت شرما کے اپنے آئی پی ایل کیریئر میں 17 واں موقع تھا جب وہ صفر کی خفت سے دوچار ہوئے جو دنیش کارتک کے ساتھ ٹورنامنٹ کی تاریخ میں کسی بھی بلے باز کے صفر پر آئوٹ ہونے کی سب سے بڑی تعداد تھی۔
یہ روہت کے کیریئر کا 5 واں گولڈن ڈک تھا ۔ آئی پی ایل میں سب سے زیادہ مرتبہ صفر پر آئوٹ ہونے والے بیٹرز میں پیوش چاولہ ، مندیپ سنگھ ، گلین میکسویل اور سنیل نارائن (15) مشترکہ طور پر تیسرے نمبر پر ہیں ۔