سرینگر//
جموں سرینگرشاہراہ (این ایچ ۴۴)کو جزوی طور پر بحال کیا گیا ہے۔
ٹریفک پولیس کے مطابق ناشری اور بنیہال کے درمیان پھنسی ہوئی گاڑیوں کو صاف کیا جارہا ہے۔ مسافروں کو مشورہ دیا جاتا ہے کہ وہ لین ڈسپلن پر عمل کریں ، محتاط طریقے سے گاڑی چلائیں کیونکہ رام بن اور بنیہال کے درمیان پتھر گرنے کا خدشہ ہے۔
اس دوران وادی کشمیر کو ملک کے باقی حصوں کے ساتھ جوڑنے والی سرینگر، جموں قومی شاہراہ بجبہاڑہ اننت ناگ میں مرمتی کام کے پیش نظر یکم اور۲؍اپریل کو بڑی گاڑیوں کی نقل و حمل کے لئے بند رہے گی۔
ٹریفک پولیس کے ایک عہدیدار نے بتایا کہ بجبہاڑہ اننت ناگ کے نزدیک قومی شاہراہ پرہوائی پٹی کی مرمت کے پیش نظر یکم اور۲؍اپریل کو بڑی گاڑیوں (لوڈ کیریروں) کو سرینگر سے جموں یا جموں سے سری نگر جانے کی اجازت نہیں ہوگی۔
عہدیدار نے ٹرک والوں سے کہا ہے کہ وہ یکم اپریل یعنی پیر اور منگل کو چار بجے سے سات بجے تک قومی شاہراہ پر سفر کرنے گریز کریں۔