تپ دق کے عالمی دن کے موقع پر صدر جمہوریہ ہند کا پیغام

نئی دہلی// صدر جمہوریہ دروپدی مرمو نے تپ دق کے عالمی دن کے موقع پر اپنے پیغام میں کہا ہے
"مجھے یہ جان کر خوشی ہو رہی ہے کہ تپ دق (ٹی بی) کے بارے میں عوامی بیداری بڑھانے کے مقصد سے 24 مارچ کو تپ دق کا عالمی دن منایا جا رہا ہے ۔
اس دن کا مقصد عوام کو ٹی بی کے عالمی اثرات سے آگاہ کرنا، اس بیماری پر قابو پانے میں درپیش چیلنجز کے بارے میں شعور اجاگر کرنا اور اس سے بچاؤ کی کوششوں میں تعاون کرنا ہے ۔ یہ دن ہمیں ٹی بی کی جلد تشخیص، علاج اور روک تھام کی اہمیت کی بھی یاد دلاتا ہے ۔
صدر جمہوریہ نے کہا کہ میں سبھی سے درخواست کرتی ہوں کہ ہندوستان کو ٹی بی سے پاک بنانے کے لیے مل کر کام کریں اور اس مقصد کو حاصل کرنے کے لیے ہر ممکن کوششیں کریں۔
خیال رہے کہ پوری دنیا میں ہر سال 24 مارچ کو یوم تپ دق منایا جاتا ہے ۔