کشمیر:اگلے چوبیس گھنٹوں کے دوران کہیں کہیں بارشوں کا امکان

سرینگر/۱۷مئی
خشک موسم مگر جزوی طور ابر آلود مطلع کے بیچ محکمہ موسمیات نے وادی کشمیر میں اگلے چوبیس گھنٹوں کے دوران کہیں کہیں گرج چمک کے ساتھ بارشوں کی پیش گوئی کی ہے ۔
متعلقہ محکمے کے ایک ترجمان نے بتایا کہ وادی میں اگلے چوبیس گھنٹوں کے دوران کہیں کہیں گرج چمک کے ساتھ بارشیں متوقع ہیں۔انہوں نے کہا کہ بعد میں۱۹مئی تک موسم مجموعی طور پر خشک رہنے کا امکان ہے تاہم ۲۰سے۲۲مئی تک ایک بار پھر بارشیں ہونے کی توقع ہے ۔
دریں اثنا وادی میں سیاحتی مقام گلمرگ کو چھوڑ کر شبانہ درجہ حرارت میں قدرے گراوٹ درج کی گئی۔
دارلحکومت سری نگر میں کم سے کم درجہ حرارت۵ء۱۲ڈگری سینٹی گریڈ ریکارڈ کیا گیا جو گذشتہ شب۴ء۱۵ڈگری سینٹی گریڈ ریکارڈ ہوا تھا۔
وادی کے مشہور زمانہ سیاحتی مقام گلمرگ میں کم سے کم درجہ حرارت۶ء۷ڈگری سینٹی گریڈ ریکارڈ کیا گیا جو گذشتہ شبہء۵ڈگری سینٹی گریڈ ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت ڈگری سینٹی گریڈ ریکارڈ کیا گیا جو گذشتہ شب ۱ء۹ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت۰ء۱۰ڈگری سینٹی گریڈ ریکارڈ کیا گیا جو گذشتہ شب ۳ء۱۳ڈگری سینٹی گریڈ ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۴ء۹ڈگری سینٹی گریڈ ریکارڈ کیا گیا جو گذشتہ شب۳ء۱۳ڈگری سینٹی گریڈ ریکارڈ ہوا تھا۔