سرینگر/۸مارچ
ان اطلاعات کے بیچ کہ جموں کشمیر میں لوک سبھا سیٹوں کی تقسیم میں نیشنل کانفرنس(این سی) اور پیپلز ڈیموکریٹک پارٹی(پی ڈی پی) کے درمیاں ثالثی کیلئے سینئر کانگریس لیڈر ‘راہل گاندھی میدان میں اتر گئے ہیں‘ عمرعبداللہ نے پی ڈی پی پر این سی مخالف بیانات دینے کا الزام عائد کیا ہے ۔
عمر عبداللہ کا ایکس پر ایک پوسٹ میں کہنا ہے” حالات نے نیشنل کانفرنس کو نہیں بلکہ پی ڈی پی کو باہر رکھا ہے۔ وہ کہتے ہیں کہ وہ جنوبی کشمیر کو پی ڈی پی کے لئے کیسے چھوڑ سکتے ہیں جو پچھلے لوک سبھا انتخابات میں تیسرے نمبر پر آئی تھی“۔
عمر نے کہا”وہ (پی ڈی پی) اتحاد کی بات کرتے ہیں لیکن ریلیوں اور ٹویٹس میں صرف نیشنل کانفرنس کو نشانہ بناتے ہیں“۔
اس دوران سابق رکن اسمبلی اور پہاڑی لیڈر جاوید بیگ جمعہ کو نیشنل کانفرنس میں شامل ہوگئے۔
نیشنل کانفرنس کے نائب صدر عمر عبداللہ اور پارٹی کے سینئر رہنماو¿ں نے بیگ کو پارٹی میں خوش آمدید کہا۔
بیگ نے 2014 میں پیپلز ڈیموکریٹک پارٹی (پی ڈی پی) کے ٹکٹ پر بارہمولہ اسمبلی حلقہ سے آخری اسمبلی انتخابات جیتے تھے۔ بعد میں انہوں نے 2019 میں پی ڈی پی چھوڑ دی اور نو تشکیل شدہ اپنی پارٹی میں شامل ہوگئے۔
بیگ کو اس سال جنوری میں پارٹی مخالف سرگرمیوں کی وجہ سے اپنی پارٹی سے نکال دیا گیا تھا۔