حارث رؤف نےواپسی کے بارے خوشخبری سنا دی

لاہور //پاکستان کے فاسٹ بولر حارث رؤف کو پاکستان سپر لیگ (پی ایس ایل) 9 کے دوران انجری کا شکار ہونے کے بعد واپسی کے حوالے سے شہری صحافی کے سوال کا جواب دیتے ہوئے دیکھا گیا۔ حارث رؤف نے کہا کہ ’’لوگ بہت جلد مجھے دوبارہ ایکشن میں دیکھیں گے۔‘‘ اس کے بعد انہوں نے چوٹ کے معمولی ہونے پر اللہ تعالیٰ کا شکر ادا کیا۔
"میں خدا کا شکر ادا کرتا ہوں کہ یہ کوئی بڑی چوٹ نہیں ہے اور امید ہے کہ میں جلد صحت یاب ہو جاؤں گا۔” دائیں ہاتھ کے اسپیڈسٹر نے مزید کہا کہ "میں اپنی بحالی پر توجہ مرکوز کر رہا ہوں اور جلد ہی آپ مجھے دوبارہ دیکھیں گے”۔ حارث رؤف لاہور قلندرز کے کراچی کنگز کے مقابلے کے دوران اس وقت زخمی ہوگئے جب وہ کیچ لیتے ہوئے کندھے پر گرے۔
دائیں ہاتھ کے فاسٹ باؤلر کو ماضی قریب میں 2023ء کے آئی سی سی کرکٹ ورلڈ کپ کے ساتھ ساتھ پی ایس ایل 9 کے دوران اپنی متضاد پرفارمنس کی وجہ سے تنقید کا سامنا کرنا پڑا ہے۔
حارث رؤف نصف دہائی سے بھی کم عرصہ قبل ٹیپ بال کرکٹر کے طور پر کھیل رہے تھے لیکن ان کی ہارڈ بال کے ماہر بننے کی کہانی متاثر کن ہے۔