شمالی کمان کے سربراہ کاوکٹر اینڈ کلو فورس کا دورہ

سرینگر//
فوج کی شمالی کمان کے کمانڈر لیفٹیننٹ جنرل ایم وی سچھندرا کمار نے ہفتے کے روز چنار کور کے کمانڈر کے ہمراہ تازہ سیکورٹی صورتحال کا جائزہ لینے کیلئے وکٹر اینڈ کلو فورس کا دورہ کیا۔
ایک فوجی ترجمان نے بتایا کہ دورے کے دوران لیفٹیننٹ جنرل کو سی ٹی گرڈ‘فوج اور عام شہری کے درمیان تعلقات اور آپریشنل تیاریوں کے بارے میں جانکاری فراہم کی گئی۔انہوں نے کہا کہ اس دوران فوجی کمانڈر نے فوجیوں کی آپریشنل تیاریوں کی سراہنا کی اور تمام رینکس کو تاکید کی کہ وہ آپریشنز کی رفتار کو برقرار رکھیں۔
ترجمان نے بتایا کہ اس دورے سے خطے کے تحفظ کو یقینی بنانے کے لئے فوج کا عزم واضح ہوجاتا ہے ۔انہوں نے کہا کہ ایسے دوروں سے افسروں اور جوانوں کے درمیان تعلقات مستحکم ہوتے ہیں اور ملک کے مفادات کے تحفظ کے لئے اتحاد و یکجہتی کا جذبہ پروان چڑھتا ہے ۔