’کینسر کی ویکسین بنانے کے قریب ہیں‘

ماسکو//
روس کے صدر ویلادیمیر پیوٹن کا کہنا ہے کہ ہم کینسر کی ویکسین بنانے کے بہت نزدیک پہنچ چکے ہیں۔
غیرملکی میڈیا کے مطابق روسی صدر پیوٹن کا کہنا ہے کہ روسی سائنس دان کینسر کی ویکسین بنانے کے قریب ہیں جو جلد ہی مریضوں کے لیے دستیاب ہو سکتی ہے۔
روسی صدر پیوٹن نے ماسکو فورم میں مستقبل کی ٹیکنالوجیز پر گفتگو کرتے ہوئے کہا کہ امید ہے کہ جلد ہی ویکسین کو تھراپی کے طریقوں کے طور پر مؤثر طریقے سے استعمال کریں گے۔
غیرملکی میڈیا کے مطابق روسی صدر کی جانب سے اس کی وضاحت نہیں کی گئی کہ یہ ویکسین کس قسم کے کینسر اور کیسے اس کے خلاف کام کرے گی۔دوسری جانب یوکرینی جنرل ہیڈ کوارٹرز کی جانب سے جاری بیان میں کہا گیا ہے کہ یوکرین کی فوج نے بحیرہ اسود میں روسی بحریہ کے سب سے بڑے جہاز سیزر کونیکوف کو تباہ کر دیا ہے۔
رپورٹ کے مطابق یوکرینی مسلح افواج اور امور دفاع کی خفیہ ایجنسی کے تعاون سے بحیرہ اسود میں روسی بحریہ کے سب سے بڑے جہاز سیزر کونیکوف کو تباہ کر دیا گیا ہے۔
بتایا گیا ہے ڈرونز کے ذریعے بحری جہاز کو نشانہ بنایا گیا ہے، جو کریمیا کے الپوکا نامی سول آبادی کے قریب یوکرین کی سمندری حدود میں موجود تھا۔