روس کے زیر قبضہ علاقے میں بیکری پرحملہ، 28 افراد ہلاک

ماسکو///
روس کے زیر قبضہ علاقے میں بیکری پر یوکرین کی بمباری میں 28 افراد ہلاک ہوگئے۔روسی میڈیا کے مطابق یوکرین کی فوج نے لیسیچانسک شہر میں ایک عمارت پر امریکی ساختہ میزائل سے حملہ کیا۔
رپورٹس کے مطابق عمارت کے ملبے سے 10 افراد کو بچالیا گیا ہے، تمام زخمیوں کا مختلف اسپتالوں میں علاج جاری ہے۔
روس کی وزارت خارجہ نے اپنے بیان میں کہا ہے کہ یوکرینی فورسز نے جان بوجھ کر بیکری پر حملہ کرکے شہریوں کو نشانہ بنایا ہے۔
بیان میں مزید کہا گیا کہ یوکرین کی معصوم شہریوں پر بمباری ’دہشت گردی کی کارروائی‘ ہے، جس کے ہمارے پاس ثبوت موجود ہیں۔