میانمار میں چھ ماہ کے دوران پرتشدد حملوں میں کل 520 افراد ہلاک

ینگون//
میانمار میں گزشتہ چھ ماہ کے دوران پرتشدد حملوں میں کل 520 افراد ہلاک ہو چکے ہیں۔
میانمار کی سرکاری نیوز ایجنسی نے جمعرات کو بتایا کہ گزشتہ سال یکم اگست سے اس سال 29 جنوری تک جاری رہنے والے پرتشدد حملوں میں کل 520 افراد ہلاک ہو چکے ہیں۔ متاثرین میں تین بدھ راہب، 438 عام شہری اور 79 سرکاری ملازمین شامل ہیں۔ اس دوران 11 پاور اینڈ کمیونیکیشن ٹاورز، 97 پل اور ٹول گیٹ کی عمارتیں، 6 ہیلتھ کیئر عمارتوں، 13 سکولوں اور تعلیمی عمارتوں کو بھی حملوں میں نقصان پہنچا۔
پیپلز ڈیفنس فورسز (پی ڈی ایف) نے مبینہ طور پر جنوب مشرقی ایشیائی ملک بھر میں حملے کیے ہیں۔
قابل ذکر ہے کہ میانمار نے یکم فروری 2021 کو ہنگامی حالت کا اعلان کیا تھا، اس کے بعد سے اس سال 29 جنوری تک ملک بھر میں کئی پرتشدد حملے ہوئے۔ اس میں کل 6880افراد ہلاک ہوئے۔