جموں وکشمیر کی پانچ پارلیمانی نشستوں پر بھاجپا کی جیت یقینی : رینا

جموں//
بھارتیہ جنتا پارٹی(بی جے پی) کے جموں کشمیر یونٹ کے صدر‘رویندر رینا نے منگل کے روز کہاکہ پارلیمانی چناو میں ان کی پارٹی کے امیدواروں کی جیت کو یقینی بنانے کی خاطر حکمت عملی ترتیب دی گئی ہے ۔
رینا نے کہاکہ ترقی ہی انتخابات میں پارٹی کا اہم ایجنڈا ہوگا۔
ان باتوں کا اظہار رینا نے جموں میں نامہ نگاروں سے بات چیت کے دوران کیا۔
رینا نے پارلیمانی حلقوں کے انچارجس کے ساتھ میٹنگ کی جس دوران حلقہ اور بلاک سطح پرپارٹی کو مزید مضبو ط بنانے پر تبادلہ خیال ہوا۔میٹنگ کے دوران پارٹی ورکروں کو ہدایت دی گئی کہ وہ عوام الناس کے ساتھ قریبی تال میں کو یقینی بنائے ۔
بعد ازاںنامہ نگاروں سے بات چیت کے دوران رینا نے کہاکہ آنے والے پارلیمانی چناو کے حوالے سے بھاجپا نے حکمت عملی تشکیل دی ہے ۔انہوں نے کہاکہ حلقہ سطح پر بھاجپا کو مزید مضبوط بنانے کی خاطر زمینی سطح پر کام شروع کیا گیا جبکہ لیڈروں اور کارکنوں کو بھی کام تقویض کئے گئے ہیں۔
بی جے پی یونٹ صدر نے مزید بتایا کہ موجودہ وزیر اعظم کی سربراہی میں جموںکشمیر میں امن و امان واپس لوٹ آیا ، بھائی چارے کو مضبوط بنانے کی خاطر بھی زمینی سطح پر کام کیا گیا ۔
رینا کے مطابق آنے والے پارلیمانی چناو میں بھاجپا جموں وکشمیر کی پانچ نشستوں پر کامیابی حاصل کرئے گی۔ان کا مزید کہنا تھا کہ بھارتیہ جنتاپارٹی نے پارلیمانی چناو کی تیاریاں زور وشور سے شروع کی ہیں اور حلقہ اور بلاک سطح پر پارٹی کو مضبوط بنانے کی خاطربھی کام ہو رہا ہے ۔