سال نو لوگوں کیلئے خوشی و خوشحالی لے کر آئے :ایل جی سنہا

سرینگر//
جموں کشمیر کے لیفٹیننٹ گورنر‘ منوج سنہا نے سال نو کی آمد پر لوگوں کو مبارک باد پیش کی ہے ۔انہوں نے کہا’’میں دعا گو ہوں کہ یہ سال تمام لوگوں کے لے خوشی و خوشحالی لے کر آئے ‘‘۔
لیفٹیننٹ گورنر نے ’ایکس‘پر ایک پوسٹ میں کہا’’میں سال نو کی آمد پر تمام لوگوں کو مبارک باد اور ان کے لئے نیک خواہشات کا اظہار کرتا ہوں‘‘۔انہوں دعا کرتے ہوئے کہا’’۲۰۲۴تمام لوگوں کیلئے خوشحالی‘اچھی صحت اور خوشی لے کر آئے‘‘۔
دنیا بھر کی طرح سرینگر کے تاریخی لال چوک میں اتوار کی شام لوگوں کے ایک جم غفیر نے سال نو کے آمد کے پیش نظر جشن منایا۔
جشن کے پیش نظر لالچوک اور گردنواح میں سیکورٹی کے غیر معمولی انتظامات کئے گئے تھے ۔جموں وکشمیر کی تاریخ میں ایسا پہلی مرتبہ ہوا ہے جب گرمائی دارلخلافہ سری نگر کے گھنٹہ گھر کے نزدیک نئے سال کا جشن منایا گیا جس میں ہزاروں لوگوں نے شرکت کی۔