مختلف سیاسی جماعتوں کو مودی کے ساتھ تعاون کرنا چاہئے: نائیڈو

نئی دہلی// نائب صدر ایم وینکیا نائیڈو نے بدھ کو مختلف ریاستوں میں برسراقتدار سیاسی جماعتوں سے وزیر اعظم نریندر مودی کے ساتھ تعاون کرنے کی اپیل کرتے ہوئے کہا کہ ملک میں پرامن ماحول کو یقینی بنایا جانا چاہئے تاکہ ترقی یافتہ ملک کا خواب پورا کیاجاسکےمسٹر نائیڈو نے یہاں مسٹر مودی کی عوامی زندگی اور کام کے انداز پر ایک کتاب ’’مودی ایٹ 20: ڈریمز میٹ ڈیلیوری‘‘ کا اجراء کرنے کے بعد اپنے خطاب میں کہا کہ مسٹر مودی ملک کو ترقی یافتہ بنانے کی مہم میں مصروف ہیں۔ مختلف ریاستوں میں مختلف سیاسی جماعتوں کی حکومتوں کو اس مہم کو تیز کرنے اور قوم کو آگے لے جانے کے لیے تمام دستیاب ترقیاتی اور جمہوری پلیٹ فارمز کا موثر استعمال کرنا چاہیے۔
انہوں نے کہا کہ ملک کو ترقی یافتہ بنانے کے مشن کو پورا کرنے کے لئے ریاستوں کو چاہئے کہ وہ تمام تناؤ پر قابو پاتے ہوئے پرامن ماحول کو یقینی بنائیں۔اس موقع پر مرکزی وزیر داخلہ امت شاہ اور وزیر خارجہ ایس۔ جے شنکر اور کئی دیگر مرکزی وزراء، اراکین پارلیمنٹ، سینئر سرکاری افسران اور زندگی کے مختلف شعبوں سے تعلق رکھنے والے معززین موجود تھے۔
مسٹر مودی کو جدید ہندوستان کے سب سے مقبول اور مشہور لیڈروں میں سے ایک قرار دیتے ہوئے نائب صدر نے کہاکہ "یہاں تک کہ ان کے مخالفین بھی اس بات سے متفق ہیں کہ مسٹر مودی اب قومی اور بین الاقوامی سطح پر ایک ایسی شخصیت ہیں جس کی وجہ سے ہندوستان میں عزت اور احترام کیا جا رہا ہے۔ ”
انہوں نے کہا کہ مسٹر مودی کا قوم کے وژن کو گجرات کا وزیر اعلیٰ بننے سے پہلے ان کے طویل برسوں کے تجربے سے تشکیل دیا گیا ہے اور یہ انہیں کئی طریقوں سے منفرد بناتا ہے۔ عصر حاضر میں شاید کوئی اور عوامی شخصیت نہیں جس نے ایسا تجرباتی سفر کیا ہو۔ انہوں نے کہا کہ ملک کے لیے وزیر اعظم کا وژن ایک سماجی کارکن اور بعد میں ایک سیاسی کارکن کے طور پر اپنے دور میں جمع کیے گئے بہت سے تجربات کا اظہار ہے۔