سری نگر کے شالہ کدل میں آتشزدگی، چار منزلہ مکان خاکستر

سرینگر//
گرمائی دارلحکومت سرینگر کے شالہ کدل میں بدھ کی صبح آگ کی ایک واردات میں ایک چار منزلہ رہائشی مکان خاکستر ہوا۔
ذرائع نے بتایا کہ سرینگر کے شالہ کدل علاقے میں بدھ کی صبح ایک چار منزلہ رہائشی مکان میں آگ نمودار ہوئی۔انہوں نے کہا کہ آگ کی اس واردات میں یہ چار منزلہ مکان مکمل طور پر خاکستر ہوگیا۔
محکمہ فائر اینڈ ایمرجنسی کے ایک عہدیدار نے واقعے کی تصدیق کرتے ہوئے کہا کہ آگ لگنے کی وجو ہات معلوم کی جا رہی ہیں۔انہوں نے کہا کہ اس واقعے میں کسی قسم کا کوئی جانی نقصان نہیں ہوا۔قابل ذکر ہے کہ وادی میں موسم سرما کے آغاز کے ساتھ ہی آگ کی وارداتوں میں اضافہ درج ہوا ہے ۔
حکام کا کہنا ہے کہ گرمی کرنے کیلئے الیکٹرک آلات اور گیس پر چلنے والے آلات کا مناسب اور احتیاط سے استعمال ان وارداتوں میں کمی کرنے کا باعث بن سکتا ہے ۔