نئی دہلی//نائب صدر جمہوریہ جگدیپ دھنکھڑ نے ہفتہ کو ہندوستانی تہذیب، روایت اور رسم و رواج میں فخر کی ثقافت کو فروغ دینے پر زور دیتے ہوئے کہا کہ کچھ اپنے لوگ ہندوستان کی ترقی کو قبول نہیں کرپارہے ہیں۔
مہارشی دیانند سرسوتی کے 220 ویں یوم پیدائش اور سوامی شردھانند کے 75 ویں یوم شہادت پر آج ہریدوار کے گروکل کانگڑی یونیورسٹی کیمپس میں وید سائنس اور ثقافت مہاکمبھ کا افتتاح کرتے ہوئے مسٹردھنکھڑ نے کہا کہ ہندوستان کی تہذیب اور روایت امن کی ہے اور ہم نے ہمیشہ امن کی بات کی ہے ۔
نائب صدر نے کہا، "ہماری نئی تعلیمی پالیسی ہماری ثقافتی اقدار کے مطابق ہے اور ہمارے ثقافتی ورثے کو تخلیق کرنے والی ہے ۔ ہر ہندوستانی کو اپنی ثقافت اور ورثے پر فخر محسوس کرنا چاہیے ۔
انہوں نے کہا کہ ‘‘یہ فکر اور سوچنے کی بات ہے کہ کچھ لوگ فخر توچھوڑیں، اپنی ثقافت، فخر میں ماضی اور حال کی ترقی کو لے کربے عزتی کا احساس رکھتے ہیں، حالانکہ ان کی تعداد بہت کم ہے ۔ ہندوستان کی عظیم شبیہ کو داغدار کرنے میں یہ لوگ مصروف رہتے ہیں۔”
انہوں نے کہا کہ وہ یا تو الجھن میں ہیں یا گمراہ ہیں۔ ابھی بھی انگریزیت کے غلام ہیں۔ ہندوستانی ثقافت پر یقین نہیں رکھتے ۔ ہندوستانی سوچ کی توہین کرتے ہیں۔ نائب صدر نے کہا کہ ہندوستان مخالف پروپیگنڈے اور ملک کی ثقافت کو داغدار کرنے کی ہر بری کوشش کو روکنا ہر ہندوستانی کی حتمی ذمہ داری اور فرض ہے ۔