آسٹریلیا کے خلاف پہلے ٹسٹ میچ کے لئے پاکستانی ٹیم کا اعلان

پرتھ// پاکستان نے آئی سی سی ورلڈ ٹیسٹ چیمپئن شپ سیریز کے پہلے میچ کے لیے اپنے پلیئنگ الیون کا اعلان کر دیا ہے۔ ٹیم کے دو کھلاڑی ٹیسٹ کرکٹ میں ڈیبیو کریں گے۔
پاکستان اور آسٹریلیا کے درمیان تین ٹیسٹ میچوں کی سیریز جمعرات سے کھیلی جائے گی۔ پاکستان نے پرتھ میں کھیلے جانے والے پہلے ٹیسٹ کے لیے اپنے پلیئنگ 11 کا اعلان کر دیا ہے۔ شان مسعود کی قیادت میں پاکستانی ٹیم پہلی بار ٹیسٹ کھیلے گی۔ حال ہی میں بابر اعظم نے تینوں فارمیٹس کی کپتانی سے استعفیٰ دیا تھا۔ اس کے بعد مسعود کو ٹیسٹ کپتان مقرر کیا گیا۔ آسٹریلیا کے خلاف پہلے ٹیسٹ میں دو پاکستانی کھلاڑی ڈیبیو کرتے نظر آئیں گے۔
پاکستان نے پہلے ٹیسٹ میچ کے لیے پلیئنگ الیون کا اعلان کر دیا، عامر جمال اور خرم شہزاد ڈیبیو کریں گے۔
پاکستان کرکٹ بورڈ کی جانب سے جاری بیان کے مطابق پاکستانی ٹیم میں کپتان شان مسعود، امام الحق، عبداللہ شفیق، بابر اعظم، سعود شکیل اور سرفراز احمد شامل ہیں۔
اس کے علاوہ سلمان علی آغا، فہیم اشرف، شاہین شاہ آفریدی ، عامر جمال اور خرم شہزاد بھی ٹیم کا حصہ ہیں، عامر جمال اور خرم شہزاد ٹیسٹ کرکٹ ڈیبیو کریں گے۔
اعلان کردہ قومی ٹیم میں کوئی ریگولر اسپنر شامل نہیں ہے، تاہم سلمان علی آغا پارٹ ٹائم اسپنر ہیں۔دونوں ٹیموں کے مابین سیریز کا پہلا ٹیسٹ 14 سے 18 دسمبر تک پرتھ اسٹیڈیم میں کھیلا جائے گا۔
جبکہ آسٹریلوی اسکواڈ میں ڈیوڈ وارنر، عثمان خواجہ، اسٹیو اسمتھ، مارنس لبوشین، نیتھن لوئن، مچل مارش، لانس مورس، مچل اسٹارک، اسکاٹ بولینڈ، ایلکس کیری، کیمرون گرین، جوش ہیزل وڈ اور ٹریوس ہیڈ شامل ہیں۔