گمبھیر کیخلاف ویڈیو اَپ لوڈ کرنا سری سانتھ کو مہنگا پڑگیا

نئی دہلی//
سری سانتھ کو میدان پر گوتم گمبھیر سے لڑائی کے بعد سوشل میڈیا پر ویڈیو اَپ لوڈ کرنا مہنگا پڑگیا۔
بھارتی میڈیا کی رپورٹس کے مطابق لیجنڈز لیگ کرکٹ کمشنر نے سابق بھارتی فاسٹ بولر ایس سری سانتھ کو گوتم گمبھیر سے میدان پر لڑائی کے بعد سوشل میڈیا پر ویڈیو اَپ لوڈ کرنے پر قانونی نوٹس بھجواتے ہوئے کہا کہ فاسٹ بولر نے ‘معاہدے کی خلاف ورزی’ کی۔
نوٹس میں یہ بھی کہا گیا ہے کہ آن فیلڈ امپائرز کو میدان پر گمبھیر کی طرف سے کسی بھی طرح کے نامناسب الفاظ کے استعمال کی اطلاع نہیں دی گئی جبکہ سری سانتھ نے سوشل میڈیا پر معاملے کے اپنے پہلو کی وضاحت کی۔
بھارت میں جاری لیجنڈز لیگ کے دوران گجرات جائنٹس اور انڈیا کیپٹلز کے درمیان کھیلے گئے میچ میں گمبھیر نے سری سانتھ کو ایک چھکا اور چوکا لگایا بعدازاں اگلی بال ڈاٹ کھیلی جس پر فاسٹ بولر ری ایکشن دیا تھا، جس کے دونوں کرکٹرز ایک دوسرے سے میدان پر الجھ پڑے تھے۔
فاسٹ بولر اپنے ہم وطن گوتم گمبھیر پر الزام عائد کرتے ہوئے ویڈیو سوشل میڈیا اَپ لوڈ کی تھی جس میں وضاحت دیتے ہوئے کہا گیا تھا کہ میچ کے دوران تلخ کلامی کے دوران اوپنر مسلسل مجھے ف ک آف! فکسر کہہ کر مخاطب کرتے رہے۔
انہوں نے کہا کہ میدان پر جھگڑے کے دوران بھی وہ مسلسل انہیں الفاظوں کا چناؤ کررہے تھے جو ایک نامناسب رویہ ہے، میری جانب سے انہیں لفظ بھی برا نہیں کہا گیا۔ گمبھیر سے صرف اتنا ہی کہا کہ تم کیا کہہ رہے ہو اور ہنسا جس سے وہ مزید بھڑک گئے۔