ہندوارہ کی سبزی منڈی میں آتشزدگی‘۱۱شیڈ نما دکان خاکستر

سرینگر//
شمالی کشمیر کے ضلع کپوارہ کے ہندوارہ علاقے میں آگ کی ایک واردات میں کم سے کم۱۱شیڈ نما دکان اور۸ریڑھیاں خاکستر ہوگئیں۔
محکمہ فائر اینڈ ایمرجنسی حکام نے بتایا کہ ہند وارہ کی سبزی منڈی میں جمعرات کی صبح آگ کی ایک واردات میں کم سے کم ۱۱شیڈ نما دکان اور۸ریڑھیاں خاکستر ہوگئیں۔
حکام نے کہا کہ فائر ٹنڈرس، پولیس اور مقامی لوگوں نے آگ کو قابو میں کرکے اس کی لہروں کو مزید پھیلنے سے روک دیا۔
ان کا کہنا تھا کہ آگ سے کسی قسم کی جانی نقصان کی کوئی اطلاع نہیں ہے ۔
دریں اثنا آگ لگتے ہی سبزی منڈی میں ہر سو سراسیمگی پھیل گئی اور لوگ دکاندار اپنے اپنے دکانوں کو بچانے کی کاوشوں میں لگ گئے ۔