کٹھوعہ:دو الگ الگ حادثات میں دو بچیوں سمیت چارافرادہلاک

جموں///
جموںکشمیر کے کٹھوعہ ضلع میں ٹریفک کے دو الگ الگ حادثات میں دو کمسن بچیوں سمیت چار افراد جاں بحق ہوئے ہیں۔
اطلاعات کے مطابق پیر کی دوپہرکو جموں پٹھان کوٹ شاہراہ پر لکھن پور کے نزدیک تیز رفتار ٹرک نے موٹر سائیکل کو زور دار ٹکر ماردی جس وجہ سے موٹر سائیکل پر سوار والد اور اس کی بیٹی شدید طورپر زخمی ہوئے ۔
معلوم ہوا ہے کہ آس پاس موجود لوگوں نے زخمیوں کو علاج ومعالجہ کی خاطر نزدیکی ہسپتال منتقل کیا تاہم وہاں پر تعینات ڈاکٹروں نے دونوں کو مردہ قرار دے دیا۔
متوفین کی شناخت ۴۰سالہ سرجیت کمار اور اس کی بیٹی گیارہ سالہ سونالی ساکن شب چیک جموں کے بطور ہوئی ہے ۔
دریں اثنا جموں میں ہی قومی شاہراہ پر نامعلوم موٹر سائیکل نے راہ چلتی خاتون اور اسکی پوتی کو زور دار ٹکر ماری جس وجہ سے دونوں کی برسر موقع ہی موت واقع ہوئی۔
متوفین کی شناخت ۵۰سالہ سنتوش اور اس کی پوتی کی پہچان گیارہ سالہ سمیرا کے بطورکی گئی ہے ۔
دریں اثنا پولیس نے معاملے کی نسبت کیس درج کرکے تحقیقات شروع کی ہے ۔
علاوہ ازیں اتوار کی شام کو سرینگر جموں قومی شاہراہ پر ٹکری کے مقام پر دو نجی گاڑیاں آپس میں ٹکرانے سے آٹھ افراد زخمی ہوئے جن میں سے بعد میں خاتون کی ہسپتال میں موت واقع ہوئی ۔