کشمیر کے بعداین آئی اے کی پونچھ میں کارروائی

سرینگر//
قومی تحقیقاتی ایجنسی (این آئی اے) نے جمعہ کو جموں و کشمیر کے پونچھ ضلع میں یو اے پی اے کیس میں گرفتارتحریک المجاہدین کے زمینی کارکن (او جی ڈبلیو) کی غیر منقولہ جائیداد ضبط کر لی۔
منسلک جائیداد میں محمد یاسین کی سات ایکڑ سے زیادہ زمین (۵۹کنال اور۱۲مرلہ) شامل ہے۔ اس پر غیر قانونی سرگرمیاں (روک تھام) ایکٹ کے تحت مقدمہ درج کیا گیا تھا اور وہ اس وقت جموں کے کوٹ بلوال کی سینٹرل جیل میں بند ہے۔
حکام نے بتایا کہ بالاکوٹ تحصیل کے گاؤں دھابی دھرتی کی جائیداد کو۳۰ستمبر کو جموں کی این آئی اے عدالت کے حکم کے بعد ضبط کیا گیا ۔
اسسٹنٹ سپرنٹنڈنٹ آف پولیس پی کے میگی کی نگرانی میں این آئی اے کی ایک ٹیم نے نائب تحصیلدار بالاکوٹ کے ساتھ اس حکم پر عمل کیا۔
این آئی اے کا یہ معاملہ بالاکوٹ مینڈھر اور پونچھ میں اسلحہ، گولہ بارود، منشیات کی برآمدگی سے متعلق ہے۔یاسین پر دہشت گرد تنظیموں تحریک المجاہدین (ٹی یو ایم) سے وابستہ اسلحہ، گولہ بارود، دھماکہ خیز مواد اور ہیروئن کی برآمدگی کا الزام ہے۔