نئی دہلی// لوک سبھا کے اسپیکر اوم برلا نے پارلیمانی انسٹی ٹیوٹ فار ریسرچ اینڈ ٹریننگ ان ڈیموکریسی (PRIDE) کے زیراہتمام سردار ولبھ بھائی پٹیل نیشنل پولیس اکیڈمی، حیدرآباد میں زیر تربیت انڈین پولیس سروس (آئی پی ایس) کے ٹرینی افسران کے 75ویں بیچ کے لئے آج پارلیمنٹ کے احاطے میں طریقوں اور طریقہ کار پر مبنی ایک اورینٹیشن کورس کا افتتاح کیا گیا۔
اس باوقار سروس میں منتخب ہونے پر افسر ٹرینیز کو مبارکباد دیتے ہوئے مسٹر برلا نے امید ظاہر کی کہ وہ انصاف کے محافظ کے طور پر اپنے فرائض کو انجام دیں گے اور ملک میں امن و امان کو بہترین طریقے سے برقرار رکھیں گے ۔ انہوں نے زور دے کر کہا کہ باوقار انڈین پولیس سروس کے لیے منتخب ہونا ان کی لگن، ذہانت اور محنت کا منہ بولتا ثبوت ہے ، کیونکہ یونین پبلک سروس کمیشن کے امتحانات میں کامیاب ہونے والے امیدواروں کو عالمی سطح پر اپنے متعلقہ شعبوں میں بہترین طالبعلم تسلیم کیا جاتا ہے ۔ انہوں نے زور دے کر کہا کہ انڈین پولیس سروس کے افسران کے طور پر انہیں قانون و انصاف کی حکمرانی کو برقرار رکھتے ہوئے قوم کے لیے اپنا اہم رول ادا کرنے کا ایک بہترین موقع ملا ہے جو کہ ایک منصفانہ اور ترقی یافتہ معاشرے اور ترقی یافتہ جمہوریت کی بنیاد ہے ۔