سردار پٹیل نے مدبرانہ صلاحیتوں سے ملک کو متحد کیا:منوج سنہا

سرینگر//
جموںکشمیر لیفٹیننٹ گورنر‘ منوج سنہا نے منگل کے روز سردار ولبھ بھائی پٹیل کے یوم پیدائش کے موقع پر یہاں بخشی اسٹیڈیم میں ’رن فار یونٹی‘کو جھنڈی دکھا کر روانہ کیا۔
علاوہ ازیں انہوں نے بخشی اسٹیڈیم اور راج بھون میں جمع ہوئے اجتماع کو ’راشٹریہ اکتا دیوس‘کا حلف بھی اٹھوایا۔
لیفٹیننٹ گورنر نے اس موقع پر سردار پٹیل کو شاندار خراج عقیدت پیش کیا۔انہوں نے ’ایکس‘پر اپنے پوسٹ میں کہا’’سردار پٹیل نے اپنی مدبرانہ صلاحیتوں، جرات اور حوصلے سے ملک کو متحد کیا اور اس کی علاقائی سالیمت اور خود مختاری کا دفاع کیا تاکہ آنے والی نسلیں عزت، امن اور خوشحالی سے گذر بسر کرسکیں‘‘۔
سنہا نے اپنے ایک اور پوسٹ میں کہا کہ جموں وکشمیر کے شہریوں کو آج یہ عزم کرنا چاہئے ہم۲۰۴۷تک اپنے ملک کو ایک ترقی یافتہ ملک بنانے کے لئے عظیم اتحاد اور واحد ہدف کے ساتھ کام کریں گے ۔
ایل جی کاکہنا تھا’’آئے ہم سر دار پٹیل کے وژن اور اقدار کو دوبارہ بحال کرکے معاشرے میں امن، ہم آہنگی اور خوشحالی کے لئے کام کریں۔‘‘