جموں میں تین مقامات پر چھاپہ ماری، قابل اعتراض مواد ضبط

جموں//
جموں پولیس نے جمعے کے روز تین مقامات پر چھاپے ڈالے اور وہاں سے کالعدم تنظیم جماعت اسلامی سے وابستہ قابل اعتراض مواد کو ضبط کرنے کا دعویٰ کیا گیا ہے ۔
پولیس ذرائع نے بتایا کہ مصدقہ اطلاع موصول ہونے کے بعد جموں پولیس نے جمعے کے روز تین مقامات پر چھاپے ڈالے ۔
ذرائع نے بتایا کہ ۲۰۰۷میں درج کئے گئے کیس کے سلسلے میں چھاپہ ماری کی گئی جس دوران جماعت اسلامی سے وابستہ قابل اعتراض مواد کو برآمد کیا گیا ہے ۔
اُن کے مطابق اس حوالے سے بڑے پیمانے پر تحقیقات شروع کی گئی ہے اور گرفتاریوں کو بھی خارج از امکان قرار نہیں دیا جا سکتا ۔
ایس ایس پی جموں چندن کوہلی نے چھاپہ ماری کی تصدیق کرتے ہوئے بتایا کہ جموں کے سنجوا اور دلپاٹین علاقے میں چھاپے مارے گئے ۔ انہوں نے بتایا کہ چھاپے سال۲۰۰۷میں درج کیس کے سلسلے میں ڈالے گئے ۔
اُن کے مطابق تلاشی کارروائی کے دوران کالعدم تنظیم جماعت اسلامی سے وابستہ قابل اعتراض مواد ضبط کیا گیا ہے اور اس حوالے سے تحقیقات کا دائرہ اب وسیع کیا گیا ہے ۔