مژھل سیکٹر میں ۲در انداز ہلاکاسلحہ و گولہ بارود بر آمد:پولیس

سرینگر//
پولیس کا کہنا ہے کہ شمالی کشمیر ضلع کپوارہ کے مژھل سیکٹر میں جاری ایک آپریشن کے دوران دو در انداز جاں بحق جبکہ جائے انکائونٹر سے اسلحہ و گولہ بارود بر کیا گیا ہے ۔
کپوارہ پولیس نے ’ایکس‘پر ایک پوسٹ میں کہا’کپوارہ پولیس کی طرف سے فراہم کردہ ایک اطلاع پر مژھل سیکٹر کے کم کادی علاقے میں فوج اور پولیس کے ایک مشترکہ آپریشن کے دوران اب تک دو در اندازی کرنے والے ملی ٹنٹ مارے گئے ‘۔
پوسٹ میں کہا گیا کہ علاقے میں آپریشن ہنوز جاری ہے ۔
پولیس نے ایک اور پوسٹ میں کہا’’جائے انکائونٹر سے اب تک۲؍اے کے رائفلیں‘۴؍اے کے میگزین‘۹۰آر ڈی ایس‘ایک پاکستانی پستول‘ایک پوچ اور پاکستانی کرنسی کے۲۱سو رویے بر آمد کئے گئے ۔