امسال ریکارڈ تعداد میں غیر ملکی سیاحوں کی وادی آمد متوقع:رشید

سرینگر//
محکمہ سیاحت کے سکریٹری ‘ڈاکٹر سید عابد رشید کا کہنا ہے کہ جموں کشمیر میں امسال ریکارڈ تعداد میں غیر ملکی سیاحوں کی آمد متوقع ہے ۔
رشید نے کہا کہ سال گذشتہ جتنے غیر ملکی سیاح یہاں آئے تھے وہ تعداد ماہ جولائی میں ہی عبور ہوگئی۔
محکمہ سیاحت کے سکریٹری کا کہنا تھا کہ سرینگر میں ماہ مئی کے اواخر میں منعقدہ جی ٹونٹی ٹورزم اجلاس سے سیاحتی سیکٹر میں بڑے پیمانے پر تبدیلی رونما ہوئی۔
رشید نے ان باتوں کا اظہار ہفتے کے روز یہاں ایک تقریب کے حاشیہ پر نامہ نگاروں کے ساتھ بات کرنے کے دوران کیا۔انہوں نے کہا’’میں یہ بات خوشی سے شیئر کرنا چاہتا ہوں کہ امسال ریکارڈ تعداد میں غیر ملکی سیاحوں کی آمد متوقع ہے‘‘۔
محکمہ سیاحت کے سکریٹری کا کہنا تھا کہ سال گذشتہ جتنے غیر ملکی سیاح یہاں آئے تھے وہ تعداد ماہ جولائی میں ہی عبور ہوگئی۔انہوںنے کہا کہ سری نگر میں ماہ مئی کے اواخر میں منعقدہ جی ٹونٹی ٹورزم اجلاس سے سیاحتی سیکٹر میں بڑے پیمانے پر تبدیلی رونما ہوئی۔
رشید نے کہا’’جیسے جیسے ٹورزم سیکٹر کی ڈیمانڈ بڑھتی جائے گی ویسے ویسے انفراسٹرکچر کو بڑھایا جائے گا‘‘۔ان کا کہنا تھا کہ نئے ۷۵؍آف بیٹ سیاحتی مقامات کی نشاندہی کی گئی ہے جبکہ۷۵مقامات کو ثقافت کے فروغ کیلئے اور۷۵کو مذہبی سیاحت کیلئے سامنے لایا گیا ہے ۔
محکمہ سیاحت کے سکریٹری نے کہا کہ ہم قومی و بین الاقوامی سطح کے ٹرول ٹریڈ مارچ میں بڑھ چڑھ کر حصہ لے رہے ہیں۔انہوں نے کہا کہ ملک میں ہر جگہ جموں و کشمیر کے ٹورزم کو فروغ دیا جا رہا ہے ۔
ان کا کہنا تھا کہ جموں وکشمیر میں گذشتہ سال بھی ٹورزم کے لحاظ سے شاندرا رہا اور امسال سال گذشتہ کا ریکارڈ بھی ٹوٹ جانے کی توقع ہے ۔
رشید نے جموں وکشمیر میں سیاحتی شعبے کی شاندار کارکردگی کیلئے اس سے جڑے تمام لوگوں کا شکریہ ادا کیا۔انہوں نے کہا کہ عام لوگوں نے بھی حکومت کو بھر پور تعاون فراہم کیا۔